पथरी अपडेट
पथरी। क्लियोपेट्रा ईभेन्ट्सद्वारा पथरी शनिश्चरेमा सञ्चालित प्रतिभा प्रतियोगिता ‘लिटल मिस्टर एण्ड मिस टिन युनिभर्स पथरी सिजन १’ को फाइनल कार्यक्रम यही असार २१ गते शनिबार हुने भएको छ ।
आयोजकका अनुसार फाइनल कार्यक्रम पथरी शनिश्चरे – १ स्थित हरियाली सामुदायिक वनको सभाहलमा दिउँसो ३ बजेबाट सुरु हुनेछ । प्रतियोगिताको फाइनल चरणमा २४ जना प्रतिस्पर्धीले विभिन्न विधामा प्रस्तुति दिनेछन् ।
यसअघि सम्पन्न ट्यालेन्ट राउण्डमा गायन, नृत्य र चित्रकला विधामा विजेता घोषणा भइसकेका छन् । गायन विधामा एडविन श्रेष्ठ विजेता बनेका थिए भने प्रिन्स तामाङ फस्ट रनरअप र कुन्जेसता तामाङ सेकेन्ड रनरअप भएका थिए ।
नृत्यतर्फ करुणा तामाङले पहिलो स्थान हात पार्दै विजेता बनेकी थिईन् । सुकन्या लिम्बु फस्ट रनरअप र निमुवा लिम्बु सेकेन्ड रनरअप भएका छन् ।
चित्रकलामा अग्रिम राई विजेता घोषित भएका छन् भने संगीत राई फस्ट रनरअप र साक्षत सुवेदी सेकेन्ड रनरअप बनेका छन् ।
ईभेन्ट म्यानेजर तथा कार्यक्रम निर्देशक पासाङ तामाङका अनुसार फाइनलका लागि सम्पूर्ण तयारी पूरा भइसकेको छ ।
फाइनलमा प्रतिस्पर्धीहरू स्टेजमा प्रस्तुत हुने छन् । उत्कृष्ट पहिरन, आत्मविश्वास, प्रस्तुति र व्यक्तित्वको आधारमा निर्णायकहरूले यस वर्षको ‘लिटल मिस्टर’ र ‘मिस टिन युनिभर्स’ को घोषणा गर्नेछन् ।
को-को बन्ने छन् यो वर्षका उपाधिधारी ? त्यसको उत्तर भने शनिबार हुने फाइनल प्रतिस्पर्धाले दिनेछ ।
प्रतिक्रिया दिनुहोस्