पथरी अपडेट
पथरी। पथरी शनिश्चरे नगरपालिका लघु उद्यम विकास कार्यक्रम अन्तर्गत प्रविधि हस्तान्तरण कार्यक्रम सम्पन्न गरिएको छ ।
आज पथरी शनिश्चरे नगरपालिकामा लघु उद्यम विकास कार्यक्रम अन्तर्गत २० प्रतिशत साझेदारीमा प्रविधि हस्तान्तरण गरिएको हो ।
नगरको लघु उद्यम विकास कार्यक्रम अन्तर्गत तालिम लिनुभएको वडा नं. ४ का बिनु दर्जी र भक्तरानी याक्खाले व्युटीपार्लर खोल्ने निश्चित भएपश्चात् २० प्रतिशत साझेदारीमा सामग्री प्रदान गरिएको हो ।
यस्तै वडा नं. ३ का कर्णबहादुर तामाङले सैलुन तालिम लिई सैलुन खोल्ने निश्चित भएपश्चात तामाङलाई पनि शैलुनका सामग्री प्रदान गरिएको थियो ।
नगर प्रमुख मोहन प्रसाद तुम्वापोको अध्यक्षतामा भएको सो प्रविधि हस्तान्तरण कार्यक्रममा वडा नं. ७ का वडाध्यक्ष एवं आर्थिक विकास समितिका संयोजक उद्धवराज बस्नेत, वडा नं. ४ का वडाध्यक्ष लोककिरण न्यौपानेको उपस्थिति रहेको थियो ।
यो कार्यक्रमको मुख्य उद्देश्य भनेको प्रविधि लियर नयाँ उद्यम सुरु गर्ने रहेको लघु उद्यम सहजकर्ता भगवती कटुवालले जानकारी दिनुभयो ।
प्रतिक्रिया दिनुहोस्