पथरी अपडेट
पथरी। लोकप्रिय गायिका एलिना चौहानमाथि सामाजिक सञ्जालमार्फत गालीगलौज गरेको आरोपमा एक युवक पक्राउ परेका छन् । नेपाल प्रहरीको साइबर ब्यूरोले चितवनका गुञ्जन राईलाई ललितपुरबाट पक्राउ गरेको हो ।
प्रहरीका अनुसार राईले सामाजिक सञ्जाल प्रयोग गर्दै गायिका चौहानप्रति आपत्तिजनक शब्द र अभद्र व्यवहार गरेका थिए । उक्त घटनाबारे उजुरीपछि अनुसन्धान थालिएको थियो ।
साइबर ब्यूरोका प्रवक्ता दीपकराज अवस्थीका अनुसार राईलाई पक्राउ गरी म्याद थपका लागि काठमाडौं जिल्ला अदालत लग्ने तयारी भइरहेको छ । प्रहरीले सामाजिक सञ्जालमा कसैलाई गालीगलौज, धम्की वा मानमर्दन गर्नेलाई कानुनी दायरामा ल्याउने कार्यलाई तीव्र पारेको जनाएको छ ।
प्रतिक्रिया दिनुहोस्